केराबारी मोरङको केराबारीमा जारी तेस्रो मच्छिन्द्र कप खुला पुरूष नकआउट फुटबल प्रतियोगितामा आयोजक केराबारी एफसी सेमिफाइनल प्रवेश गरेको छ ।

केराबारी रंगशालामा आइतबार सम्पन्न दोस्रो क्वाटर फाइनलमा राष्ट्रिय जाग्रिती क्लब इटहरीलाई शून्यका विरुद्ध १ गोलको झिनो अन्तरले हराउँदै आयोजक अन्तिम चारमा प्रवेश गरेको हो ।

केराबारीको जितमा सुजन चौधरीले एक मात्र निर्णायक गोल गरे । खेलमा म्यान अफ दि म्याच भने केराबारीका विदेशी खेलाडी डेनियल ताए घोषित भए ।

प्रतियोगिता अन्तर्गत पुष २२ गते सोमबार तेस्रो क्वाटरफाइनल खेल बेलबारी एफसी, विर्तामोड युनाइटेड, झापाबिच हुनेछ ।