काठमाडौं । ललित स्मृति यु–१८ युथ लिग फुटबल प्रतियोगिता अन्तर्गत सोमबार सम्पन्न तीन खेलहरुमा त्रिभुवन आर्मी फुटबल क्लब, मच्छिन्द्र फुटबल क्लब र संकटा फुटबल क्लबले जित हात पारेका छन् ।

दिनको पहिलो खेलमा आर्मीले सातदोबाटो युथ क्लबलाई ४–१ ले हरायो । यो जितपछि २० खेलबाट आर्मीको १८ अंक छ र लिगतालिकाको १०औं स्थानमा यथावत छ । पराजित सातदोबाटो ११ अंकका साथ पुछार मै छ ।

दोस्रो खेलमा मच्छिन्द्रले चर्च ब्वाईज युनाइटेडलाई २–१ ले हरायो । यो जितपछि २० खेलबाट ३४ अंक जोडेको मच्छिन्द्र शिर्ष पाँच मै छ । पराजित चर्च ब्वाईज भने २२ अंकका साथ नवौं स्थानमा छ ।

तेस्रो खेलमा संकटाले एफसी खुमलटारमाथि ७–० को फराकिलो जित निकाल्यो । यो जितपछि २० खेलबाट ३९ अंक जोडेको संकटा तेस्रो स्थानमा यथावत छ । पराजित खुमलटार भने ११ अंकका साथ पुछारतिरै संघर्षरत छ ।