दमौली । साफ फाइनल खेलेयता राष्ट्रिय महिला फुटबल टोलीका सदस्यहरुलाई बधाई र सम्मान थाप्न भ्याई नभ्याई छ । यसै क्रममा महिला फुटबल टोलीकी युवा तथा मेहनती रक्षक बिमला बिक पनि सम्मानित भएकी छिन् ।

बिमलालाई बागबजार युवा क्लब, दमौली, तनहुँले सम्मानपत्र, दोसल्ला र नगदसहित सम्मान गरेको हो । घरमै सम्पन्न साफ महिला च्याम्पियनसिपमा नेपाललाई फाइनलसम्म पुर्याउन बिमलाको योगदान पनि महत्वपूर्ण थियो ।

उनको योगदानको उच्च मुल्यांकन र कदर गर्दै बागबजार युवा क्लब, दमौलीले सम्मान गरेको हो । सम्मान गर्नुअघि क्लबले बिमलालाई गाडीमा राष्ट्रिय झण्डासहित नगर परिक्रमा समेत गराएको थियो ।