काठमाडौँ । दोस्रो प्रयागराज सिंह सुवाल स्मृति अन्तर वडा फुटसल प्रतियोगितामा आइतबार वडा नं २१ र वडा नं २६ ले टाइब्रेकरमा जित हासिल गरेका छन् ।

लैनचौर फुटसल मैदानमा वडा नं २१ ले वडा नं २२ लाई पेनाल्टी सुटआउटमा ४–३ ले हरायो । निर्धारीत समयकौ खेल १–१ ले बराबरीमा सकिएको थियो । वडा नं २१ का लागि साजन डङ्गोलले गोल गरे । त्यसैगरी वडा २२ ले आत्मघाती गोल प्राप्त गरेको थियो । सो खेलमा वडा २१ का गोलरक्षक अरुण पोडे म्यान अफ दि म्याच चुनिए ।

यसैगरी वडा नं २६ र वडा नं ३२ बिचको खेल पनि १–१ ले बराबरीमा सकिएपछि टाइब्रेकरबाट जितहारको छिनोफानो गरिएको थियो । टाइबे्रकरमा वडा २६ ले ५–४ को जित निकाल्यो । निर्धारीत समयका वडा २६ का साजन शाही र वडा ३२ का विक्रम बिसुन्केले गोल गरेका थिए । सो खेलमा साजन म्यान अफ दि म्याच घोषित भए ।

अन्य खेलमा वडा १२ ले वडा ५ लाई २–१ र वडा ८ ले वडा ३१ लाई १–० ले पराजित गरे । वडा ३१ का खेलाडीले आत्मघाती गोल गरेपछि वडा ८ खेल जित्न सफल भएको हो । सो खेलमा वडा ८ का कप्तान मनिष सेढाई म्यान अफ द म्याच बने । यसैगरी वडा १२ लागि जित दिलाउन दुवै गोल राज शाहीले गरे । राज नै म्यान अफ दि म्याच घोषित भए । वडा न५ का लागि पुस्कर आचार्यलै एक गोल फर्काएका थिए ।