काठमाडौं । शनिबारदेखि चाइनिज ताइपेईमा शुरु एएफसी यु–२० एसियन कप छनौटतर्फ आफ्नो समूहको पहिलो खेलमा नेपालले खराब शुरुवात गरेको छ ।

न्यु ताइपेइ सिटी स्थित फु जेन क्याथोलिक युनिभर्सिटी स्टेडियममा भएको समूह बी तर्फको पहिलो खेलमा नेपालले कम्बोडियासँग १–४ को हार बेहोरेको हो । खेलमा नेपालका लागि समिर तामाङले एक मात्र गोल फर्काएका थिए ।

यो पहिलो हारसँगै नेपालको समूह चरण पार गर्ने सम्भावना शुरुवातबाटै कठिन बनेको छ । नेपालले आफ्नो आगामी खेल सोमबार घरेलु टोली चाइनिज ताइपेइसँग खेल्नेछ । त्यसवाहेक नेपालले दुई बलिया टोली बहराईन र उज्वेकिस्तानसँग खेल्ने कार्यक्रम छ ।