काठमाडौं । शनिबारदेखि मंगोलियामा शुरु एएफसी फुटसल एसियन कप छनौटको समूह डी तर्फ नेपालले हारका साथ छनौट प्रतियोगिताको शुरुवात गरेको छ ।

मंगोलियन शहर उलानबाटोरमा भएको आफ्नो पहिलो खेलमा नेपालले बलियो दक्षिण कोरियासँग ५–१ को हार बेहोरेको हो । नेपालका लागि सुमित श्रेष्ठले एक मात्र गोल फर्काएका थिए ।

समूह डी तर्फ कै अर्को खेलमा भियतनामले आयोजक मंगोलियामाथि ६–१ को सहज जित दर्ता गर्यो ।

समूह चरणको आफ्नो दोस्रो खेलमा नेपालले सोमबार भियतनामको सामना गर्नेछ भने सोही दिन मंगोलियाले दक्षिण कोरियासँग प्रतिस्पर्धा गर्नेछ ।

समूहको शिर्ष दुई टोली अर्को वर्ष थाइल्याण्डमा हुने एएफसी फुटसल एसियन कपका लागि छनौट हुनेछन् ।

Pic: Mongolia FA