काठमाडौं । आउँदो साउन १९ र २० गतेका दिन प्रथम नाम्स यु–१३ अन्तरविद्यालय फुटसल प्रतियोगिता हुने भएको छ । प्रतियोगितामा सहभागिता जनाउन चाहने इच्छुक क्लबहरुका लागि साउन १५ गतेसम्म टिमदर्ता खुला गरिएको पनि आयोजकले जनाएको छ ।

त्यस्तै टिमदर्ता शुल्क ५ हजार तोकिएको छ । आयोजकका अनुसार प्रतियोगिताको खेलतालिका साउन १७ गते प्रकाशित गरिनेछ । साथै प्रतियोगितामा सिमित संख्यामा टोलीहरुको सहभागि गराईने पनि आयोजकले जानकारी दियो ।

प्रतियोगिताको विजेताले उपाधिसहित नगद १० हजार हात पार्नेछ भने उपविजेताले ५ हजारसहित ट्रफी, मेडल र प्रमाणपत्र प्राप्त गर्नेछ । त्यसैगरी व्यक्तिगत विधातर्फ उत्कृष्ट हुने खेलाडीहरुलाई पनि पुरस्कारको व्यवस्था गरिएको आयोजकले जनाएको छ ।