काठमाडौं । बिराटनगर सिटी फुटबल क्लबले पनि पहिलो संस्करण कै कप्तान रजिन धिमाललाई मार्की प्लेयरका रुपमा निरन्तरता दिएको छ । नेपाल सुपर लिगको दोस्रो संस्करण शुरु हुन केही साता बाँकी रहँदा सहभागि क्लबहरुले आ–आफ्नो मार्की खेलाडीहरुलाई घोषणा धमाधम गर्न थालेका छन् ।

यसअघि नव आगन्तुक टोली झापा एफसीले अन्जन बिष्टलाई मार्की खेलाडीका रुपमा सार्वजनिक गरेको थियो भने धनगढीले बिशाल राईलाई मार्की खेलाडीका रुपमा निरन्तरता दिने घोषणा गरेको थियो ।

सुपर लिगमा यसपटक थपिएका तीन नयाँ टोलीसहित कुल १० टोलीहरुले सहभागिता जनाउँदै छन् । लिगको दोस्रो संस्करण चैत्र महिनाको अन्तिमदेखि शुरु हुने कार्यक्रम छ । नेपाल स्पोर्टस एण्ड इभेन्ट म्यानेजेन्टको आयोजना हुने सुपर लिगको पहिलो संस्करण काठमाडौं रेजर्सले जितेको थियो ।