काठमाडौं । घुमरचोक युवा क्लबको आयोजनामा भएको याङ्गला पोतोल कप नकआउट फुटबल प्रतियोगिताको उपाधि रामेछाप युथ क्लबले जितेको छ ।

शंखरापुर–६ साँखु स्थित सलम्बुटार फुटबल मैदानमा भएको फाइनलमा आयोजक घुमरचोक युथ क्लबलाई शून्यका विरुद्ध २ गोलले हराउँदै रामेछाप च्याम्पियन बनेको हो ।

विजेता बनेको रामेछापले उपाधिसहित नगद ५० हजार हात पार्यो । त्यस्तै उपविजेता घुमरचोकले २५ हजार नगदसहित ट्रफी, प्रमाणपत्र र मेडलमा चित्त बुझाउन बाध्य भयो ।