काठमाडौ । एन्फा राष्ट्रिय लिग फुटबल प्रतियोगिता अन्तर्गत सोमबार मनाङ मर्स्याङ्दी क्लबले पहिलो र उत्कृष्ट जित दर्ता गरेको छ ।

एन्फा कम्प्लेक्समा भएको दिनको पहिलो खेलमा मनाङले संघर्षरत टोली काँक्रेबिहार क्लबलाई ५-१ ले हरायो । मनाङको जितमा गिडोन नाहले दुई गोल गर्दा सुरेश कुमाल, अनिल कुमार र नवराज गुरुङको नाममा एक/एक गोल रह्यो । उता पराजित काँक्रेबिहारका लागि भने सन्दिप देउबाले एक मात्र गोल फर्काए ।

यो जितसँगै मनाङले आफ्नो खातामा महत्वपूर्ण तीन अंक जोडेको छ । उता अंकविहीन काँक्रेबिहार पुछार मै संघर्षरत छ ।