भद्रपुर । घरेलु चन्द्रगढी युवा क्लब यहाँ जारी स्व. आलोक भण्डारी र संजिग गिरी स्मृति चन्द्रगढी कप खुला नकआउट फुटबल प्रतियोगिताको सेमिफाइनलमा प्रवेश गरेको छ।

बुधबार सम्पन्न खेलमा चन्द्रगढीले भारतको ब्राइट स्पोर्टिङ क्लबलाई १–० ले पराजित गर्दै अन्तिम चारमा स्थान बनाएको हो।

घरेलु टोलीका रोमन भुजेलले हानेको शानदार फ्री–किक गोल नै खेलको एकमात्र निर्णायक गोल बन्यो। उत्कृष्ट प्रदर्शनका आधारमा भुजेल ‘म्यान अफ द म्याच’ घोषित भए।

प्रतियोगितामा आठ टोलीको सहभागिता छ। यही आउँदो मंसिर २० गतेसम्म चल्ने प्रतियोगिताको विजेताले उपाधिसहित नगद २ लाख १ हजार प्राप्त गर्नेछ।