काठमाडौं । जारी एन्फा यु-१६ युथ लिग फुटबल प्रतियोगिता अन्तर्गत विभागीय टोली एपिएफ फुटबल क्लबले सोमबार पहिलो खेलमा उत्कृष्ट जित हात पारेको छ ।

एन्फा कम्प्लेक्समा भएको दिनको पहिलो खेलमा एपिएफले प्लानिङ ब्वाईज युनाइटेडलाई ३-० को अन्तरले पराजित गर्‍यो । एपिएफको जितमा आदर्श मेचेले दुई गोल गर्दा थप एक गोल बिपिन छन्त्यालले गरे ।

यो जितपछी ११ खेलमा १९ अंक जोडेको एपिएफ लिगतालिकाको छैठौं स्थानमा छ । पराजित प्लानिङ ब्वाईज भने ६ अंकका साथ १३औं स्थानमा संघर्षरत छ ।