काठमाडौं । आफ्नो पछिल्ला दुई खेलहरुमा लगातार हार बेहोरेको चच ब्वाईज युनाइटेडले जारी एन्फा यु-१६ युथ लिगतर्फ शुक्रबार पहिलो जित दर्ता गरेको छ ।

सातदोबाटो स्थित एन्फा कम्प्लेक्समा भएको दिनको पहिलो खेलमा चर्च ब्वाईजले प्लानिङ ब्वाईज युनाईटेडलाई ९-० को फराकिलो अन्तरले हराउँदै सिजनको पहिलो जित दर्ता गर्यो ।

चर्च ब्वाईजका लागि सुशन थापा मगरले पाँच गोल गर्दा स्वप्निल दाहालको नाममा पनि ह्याट्रीक रह्यो । थप एक गोल भने प्लानिङ ब्वाईजले आत्मघाती गोलका रुपमा खान पुगेको थियो ।

यो नतिजापछी चर्च ब्वाईजको खातामा तीन अंक जोडिएको छ । उता पराजित प्लानिङ ब्वाईजको पनि तीन खेलबाट समान ३ अंक रहेको छ ।