पोखरा । मोफसलसँगै स्वदेश तथा विदेशमा फरक पहिचान बनाएको सहारा क्लब अष्ट्रेलियाका अध्यक्ष राजमान थकालीको निधन भएको छ । लामो समयदेखि फोक्सोको रोगबाट पीडित थकालीको शनिबार निधन भएको हो ।

उनको अष्ट्रेलियामै नेपाली समयअनुसार शनिबार साँझ साढे ५ बजे निधन भएको सहारा क्लब पोखराका पूर्व अध्यक्ष विक्रम थकालीले पुष्टि गरे । ५० वर्षीय राजमानका श्रीमती र २ जना छोराहरु छन् । उनको नेपालमा पोखरा ८, नागढुंगामा घर छ ।

पोखराको सभागृहचोकस्थित मुग्लान रेष्टुरेष्ट तथा पोखरामै संचालित मिमाअस कन्सल्टेन्सीका संचालक राजमान लामो समयदेखि अष्ट्रेलियामै बसोबास गर्दै आएका थिए ।

फुटबल खेलमा अभिरुची राख्ने उनी सहाराले अष्ट्रेलियामा बिस्तार गरेको आफ्नो शाखामा उनी संस्थापक अध्यक्ष भइ फुटबलसँगै अन्य समाजससेवा गर्दै आएका थिए ।